TerPlekkePodiumPoeem, schreven en oetspreuken tiedens de opnaome van PODIUM, ‘t Keerpunt, Spiekerboor, 27 mei 2012:

ZUN JAOR ZUN DAG

Mien leeive tied wat kun ij vleeigen
as een schaop deur ‘t veen
anfieterd deur klaanken die zingt van:
skiffle die scheuvelt over vloeibaor waoter

maor d’r is ok wat maokt van zaand
een kasteel vol vaorwel
dat is ‘t leste waoran ik dèenk
blief maor, ik dèenk mij wel lös

in berre
blief maor blief maor
kiek naor herinnerings
kiek naor ‘t dörp
kiek naor de kerk

-en lammer en leeuwen lagen saomen-
vanneis d’r weer wonen
underdak in guster

schrieven…luustern…schrieven…lezen…schrieven
-Hilversum Vier Toefde Hier-
schreven…luusterd…lezen

waant te boouk:
openbaor van manvolk
kerk en openbaor
underdak en koloniekak

op schoenen van kwaoliteit
wiedergaon op ‘t levenspad
van zörgen veur mekaor
saomen op pad

op schoenen van kwaoliteit
wèensriek, mèensriek
leeifde in de locht
opera op schoot bij mèensen
die de klaanken doekt en anhaolt

leeifde in de locht, in ‘t paark
speciaole stemmen die van leeifde zingt
an de leeifdeslaon

instrumenten die stemt
stemmen as instrument

schommel mij hen en weerum
en nog een keer
oh wat is zuks angenaom
en weer en weer
as een boot, vort en weerum
weerum en vort

in koor, veul volk op batterij
met een smeuie ströt
die kweelt, zingt, galpt
in koor
met en veur mekaor

de brink zingt
het gras gruijt
podiums bluijt lös
heur het koor
zun dag
zun jaor

-Egbert Hovenkamp II-